خلطة سحرية لتبييض الوجه خلال ربع ساعه
السلام عليكم حبيباتي هانا جيت وجبت ليكم سر من أسرار الصحراويات في التبييض وصفة رائعة من تجربتي وكاع الصحراويات كيعرفوها ولكن قليل من لبنات اللي كيعرفو مكوناتها بالضبط ، هاد الوصفة سهلة متواجدة في أي بيت ونتائجها رووووووووووووووووووعة كتخلي الوجه بيض وصافي وناعم من أول استعمال.
المكونات :
- 2 قطع من اللفت الأبيض.
- ملعقة حليب نيدو غبرة .
- فرماجة وحدة.
- ملعقة دقيق فورص.
- ملعقة طين أبيض.
- قليل من الحليب أو ماء ورد حسب بشرة كل وحدة.
الطريقة :
كنشدو اللفت ونقشروه ونغسلوه ومن بعد نقطعوه مكعبات ونديروه يتصلق لمدة 100 دقائق ونخلوه يبرد شويا ونصفوه من الماء.
ومن بعد ناخدو فزلافة نخلطو فيها اللفت وملعقة طين أبيض وملعقة نيدو غبرة وملعقة دقيق الفورص وقليل من الحليب بالنسبة لصحابات البشرة الحساسة أما اللي عندهم بشرة عادية ودهنية يفضل استعمال ماء الورد.
نخلطو المكونات حتى تتجانس ونحتافظو بيها ، قبل منستعملو الخليط أو الماسك على وجهنا لازم ناخدو فرماجة ونديرو بيها كوماج للوجه لمدة 10 دقائق ونغسلو وجهنا ونشفوه.
ومن بعد نوزعو الخليط اللي سبق وحضرناه على كامل الوجه ونخلوه حتا ينشف.
هاد الوصفة مجربة سهلة ونتائجها كتحمق أنا شخصيا كنستعملها مرتين في الأسبوع ومعمر غدي نتخلا عليها حيت فعلا كتبيض وكتصفي وبالصجحة والراحة حبيباتي.
0 تعليقات